ဧဒင်ရိပ်မြုံအစပျိုးခြင်း

ဦးထာအုပ်သည် အကြောအဆစ်ကျွမ်းကျင်ပညာရှင် အဖြစ်ကျန်းမာရေးဝန်ကြီးဌာနအောက်ရှိ ပခုက္ကူပြည်သူ့ဆေးရုံနှင့် ဖလမ်းချင်းပြည်နယ်အထူးကုဆေးရုံတို့တွင် (၇) နှစ်တာ တာဝန်ထမ်း ဆောင်ခဲ့ပါသည်။ အိမ်ထောင်ပြုပြီး သားသမီးနှစ်ယောက်ရပြီးနောက်တွင် အစိုးရအလုပ်မှနုတ် ထွက်ကာ ပြည်ပတွင်အလုပ်ရှာဖွေခဲ့ပါသည်။ ၁၉၉၆ ခုနှစ် ဇူလိုင်လမှ ၁၉၉၈ ခုနှစ် ဩဂုတ်လအ ထိ (၃) နှစ်တာ မလေးရှားနှင့် စက်ပူနိုင်ငံတို့တွင် အကြောအဆစ်ကျွမ်းကျင်ပညာရှင်အဖြစ်တာ ဝန်ထမ်းဆောင်ခဲ့ပါသည်။ မလေးရှားနိုင်ငံ၊ ပီနန်မြို့တွင်လုပ်ကိုင်နေစဥ်တွင် မြန်မာနိုင်ံသို့ပြန်သွားပြီး မသန်စွမ်း ကလေးများအတွက် သာသနာပြုရန်တိုက်တွန်းလာသော မစ္စတာဘဲန်နှင့်တွေ့ဆုံခဲ့ပါသည်။ သူသည်ထိုင်ဝမ်နိုင်ငံမှ မလေးရှားနိုင်ငံ၊ ပီနန်တွင် “Eden Handicap Service Centre (EHSC)” ဖွင့်ကာ မသန်စွမ်းသာသနာလာပြုနေ သော ပါစတာတစ်ယောက်ဖြစ်ပါသည်။ မသန်စွမ်းကလေးများအား ခရစ်တော်၏မေတ္တာဖြင့် ပြုစုပျိုးထောင်ပေး မည့်သာသနာလုပ်ငန်းလုပ်ရန်အမြဲအားပေး ဆုတောင်ပေးခဲ့ပါသည်။ ထိုကာလများတွင် မြန်မာနိုင်ငံ၌ လူမှုဝန် ထမ်းဦးစီးဌာနအောက်ရှိ မသန်သက်ငယ်ကျောင်းတစ်ကျောင်းသာ ရှိခဲ့ပါသည်။ ကိုယ်ခန္ဓာနှင့်ဉာဏ်ရည်မသန်စွမ်း ကလေးများအတွက် ပြင်ပကျောင်း၊ ပရဟိတလုပ်ငန်း တစ်ခုမှမရှိသေးပါ။